Halmahera Utara

Pada penerbangan perdananya, dalam badan pesawat Boeing 737, dengan nomor penerbangan 007 milik Hibualamo Airlines seorang pramugari sedang memberikan pengarahan.

Kebetulan pramugari ini orang sanger jadi bahasa yang dia pake dalam pengarahnnya untuk penumpang so ta campur aduk.

Gud Morning for ngoni samua,

Briefing Prosedur Darurat

Ledis en jentelmen,
Kalu rasa pidis tu mata, atau rasa bapongo itu talinga, isap jo itu bon2!
Baku iko deng peraturan penerbangan, sekarang kita musti kasi lia pa ngoni samua cara pake itu tali mamudung yang ada pa ngoni pe pinggang, deng itu baju voor batobo, en masker oksigen kalu ngoni pe napas mulai hosa.
Supaya ngoni boleh selamat, coba lia kamari bagemana cara ika itu rim yang balingkar di ngoni pe pinggang, cara kunci supaya nyanda talapas, bikeng kencang, deng, bagaimana mo buka nanti.

Itu baju batobo di bawah kadera ngoni dudu akang, jangang dulu pake kecuali nanti waktu Om Kapten so suru batobo pa torang rame-rame, eit.. jangang lupa, itu barang jangang ngoni kase pindah neh, apalagi mo bawa pulang vor gantong di salon atau stau dekorasi souvenir kamar tamu, tanda ngoni so pernah nae pesawat, kalu kita dapa riki, kita nanti tampeleng kiri kanang, muka belakang, deng atas bawah, mangarti?

De pe cara pake, itu baju kase maso akang ngoni pe leher, awas jang talalu kencang, nanti ngoni susa banapas dan bikin flaut, kong bekeng tasibu pa torang musti bekeng pernapasan tiup ngoni pe mulu, jadi ati-ati jo, neh!
Supaya boleh timbul di air, hela itu knop warna merah jambu bol, atau bole tiop de pe pipa, supaya boleh timbul di air.

Kong inga, musti tunggu sampe so kaluar dari jandela darurat, baru boleh bekeng dia tabuka, kalo tarada, ngoni nanti ta prop di itu jandela atau pintu, bekeng pusing kapala jo pa torang, kong boleh sampe krol tong pe tangang nanti mo bahela pa ngoni macet taprop di pintu.

Oh yaa, amper lupa itu fluit boleh ngoni pake baramaeng prit-pritan baku-baku floit, supaya jangang pastiu kalu so batobo di aer…

Eh, asal ngoni samua tau ya, ini pesawat ada dua de pe pintu darurat di muka ada dua, ada dua juga di belakang, deng ada dua lei jandela darurat di tenga-tenga. Jadi waktu kaluar nanti nyanda perlu baku rebe rupa burung pombo baku rampas makanan ato macam paniki baru mo kaluar dari goa, musti holopis kuntul baris sama deng bebe atau bifi babaris necis bagitu, alias antri.

Inga bae-bae. Kalu nanti kage-kage napas bahosa priksa itu rim di pinggang mungkin talalu kancang, atau ada salah ika itu baju batobo, masker oksigen akang ciri dari atas ngoni pe kapala, noh hela jo padia kong pasang di kapala deng tutu di idong kong banapas jo rupa biasa.

Kalu da anak kacili, ngoni yang so lebe tua tolong kase pake pa anak dulu baru pake sandiri, oops so salah, tabubale, jangang taru kira ya. Musti kote ngoni lebe dulu pasang baru kase pasang akang pa itu ana kacil!

Kartu gambar petunjuk vor keselamatan ada di popoji kadera di muka dimana ngoni ada dudu, jangang ambe birman punya, jang ngoni baku rampas, bekeng malo jo, deng baca bae-bae kong hafal mati pa dia ya.

Nah, bagitu jo dulu dang, oom, tanta, obata!
Relaks jo, kong pikir-pikir jo tu nyanda-nyanda neh.
Kal ada perlu, bole pangge pa kita, maar maniso ya.

Hepi flight.

(Ini carita berasal dari milis tetangga)

Moro adalah legenda di halut, kalau kita berbicara mengenai moro, maka konotasinya pada hal-hal yang mistis seperti banyak cerita yang berkembang di masyarakat halut.

Nah untuk cerita mistis, kita tara punya informasi. Mungkin obata yang lain punya, nanti silahkan berbagi. Jadi di posting ini saya akan bercerita mengenai Moro dari sudut pandang sejarah. Oleh karena itu, saya mengutip sekelumit tulisan dari John Villiers (Modern Asian Studies, Vol. 22, No. 3) yang dipublikasikan oleh Professor Charles Boxer, Cambridge University Press (1988). Data dari tulisan tersebut berkisar pada tahun 1546-I571.
Berikut ini adalah yang bisa saya bagikan dari sumber yang ada:

Ngaji.. ngaji moi….

Tede….

Terminologi bahasa portugis ‘O Moro’ digunakan untuk mendefiniskan dua kesatuan wilayah, yaitu:
Wilayah pertama disebut sebagai Morotia atau Moro daratan (Moro-on-the-land), yang membentang sepanjang pantai timur dari semenanjung utara pulau halmahera dimana di dalamnya di sebutkan sebagai wilayah yang termasuk ke dalam 5 kota kecil (sumber aslinya menyebutkan “town”=kota kecil) yaitu: Galela, Puni, Tolo, Tobelo dan Samafo.
Wilayah kedua disebut sebagai Morotai atau Moro yang ada di seberang lautan (Moro- beyond-the-sea). Yang termasuk dalam wilayah ini adalah pulau Morotai dan pulau Rau. Pada waktu itu, wilayah yang paling padat penduduknya adalah di kota Tolo.

Moro ini pada saat itu (1546-1571), telah menjadi wilayah yang diperselisihkan antara Ternate, Tidore dan Jailolo.

Ternate, Tidore dan Jailolo pada waktu itu merupakan negara-negara (kesultanan) yang saling berselisih di wilayah tersebut.
Sumber dari perselisihan antara lain disebabkan karena wilayah Moro ini merupakan sumber bagi suplay bahan makanan. Selain permasalahan tersebut, wilayah ini menjadi penting karena posisi strategisnya yang harus direbut untuk menghadapi perang dengan Portugis.

Nah.. demikian yang bisa saya ceritakan dari sumber yang sudah saya sebutkan diatas. Pada saat ini, saya juga tengah menelusuri referensi (dari Portugis dan Belanda) yang bisa memperkaya pemahaman kita mengenai Moro. Doakan semoga ketemu ya….

Kalo obata punya cerita lain, termasuk yang mistis, silahkan berbagi. Mari kita perkaya pemahaman kita dari berbagai sudut pandang, tarada yang larang, tarada yang jadi paling butul, dan tentu saja tara akan ada judgement disini heheheh….
Seperti kata pantun:

Jalan-jalan dari Kao sampe Galela,
Jangan lupa singga di Tobelo…
Kalau ngoni punya cerita beda,
Mari kitorang nikmati sama-sama o…

Hehehehe nyambung gak seh…. pantun-nya koq lutju gitu…. hahahaha ga’rap ka tarada…
Hotu…